Umhirða skartgripa

SILFUR

Silfurskartgripi mælum við alltaf með að taka af sér fyrir svefn, sund, rækt og gufu. Það síðasta sem þú setur á þig er skartgripurinn, þ.e. eftir að þú berð á þig krem, ilmvatn eða aðrar snyrtivörur. 

Þegar þú ert ekki að nota skartgripinn þinn, geymdu hann í skartgripaskríni eða öðru lokuðu boxi, jafnvel lokuðum plastpoka. Ef hann er í skál eða á skartgripahengi, sérstaklega inni á baðherbergi, þá er hann fljótur að dökkna/oxast. Nokkuð einfalt er þó að pússa eða hreinsa skartgripinn sé fallið á hann, með klút eða hreinsiefni líkt og finna má hér. 

GYLLING Á SILFUR

Skartgripirnir frá By L, Veru Design, Sign & Sif Jakobs (nema lab-grown demantar), sem fást hjá okkur eru silfur sem gyllt er með 18kt gyllingu. Silfur sem gyllt er með gyllingu og ekta 14kt gull er tvennt ólíkt. Gyllingin gerir fólki kleift að versla gulllitaðan skartgrip á mun lægra verði en ef hann væri úr ekta gulli. 

Gylling á silfurskarti er húð sem mun fara af með tíð og tíma, þó svo að húðin sé þykk og fín. Hversu lengi gyllingin endist veltur á umhirðu á skartgripnum. Við mælum því með að taka gyllta skartgripinn af þér fyrir sturtu, sund, rækt, gufu og svefn. PH-gildi húðarinnar hefur einnig áhrif á gyllinguna. Hátt sýrustig húðar eyðir gyllingu hraðar og hormónar og lyf geta einnig haft áhrif. 

Silfurhringar gyllingu þarf að huga sérstaklega vel að. Við notum hendurnar mest í daglegu lífi og því mæðir mest á hringum. Það er í eðli silfurs að það falli á það og gyllingin eyðist með tímanum, einnig geta sléttir fletir á silfur hringum rispast rétt eins og gull rispast. Gyllingin á hringnum er húð og ekki allir átta sig á að taka þarf hringinn af fyrir handþvott svo að gyllingin haldist sem lengst. 

Skartgripi úr eðalmámum, líkt og silfri, er þó alltaf hægt að gylla aftur. Það er eðlileg umhirða að þurfa að endurgylla húðaðan skartgrip, hversu oft fer alveg eftir notkun. Við bjóðum uppá endurgyllingu hjá okkur. 

SKARTGRIPIR ÚR GULLI & HVÍTAGULLI

Gullskartgripi má fara með í sund og sturtu án þess að falli á þá. Það er þó margt annað sem hefur áhrif, td húðfita, krem, olíur eða ilmvatn. Ef þú ert mikið með skartgripinn þinn kemur á hann fita sem hægt er að þrífa af með sápuvatni, mjúkum bursta, hreinsiefnum og klútum - einnig getur gerst að gull dökknar aðeins í vatninu okkar hér á Íslandi.

Við eðlilega notkun á skartgripum getur hann rispast eða mattast, þá er hægt að koma með hann til okkar á verkstæðið og gullsmiðirnir okkar pússa hann og fægja svo hann verði sem nýr aftur.

STIMPLAR Á SKARTGRIPUM 

Á skartgripum má finna stimpla sem segja til um úr hverju skartgripurinn er.

Silfur er stimplað með 925, stendur fyrir 92,5% silfur. Það er einnig kallað sterling silfur og er notað í öllum okkar silfurskartgripum. 

Gull stimplar eru eftirfarandi; 8kt gull er stimplað með 333, stendur fyrir 33,3% gull. 9kt gull er stimplað með 375, stendur fyrir 37,5% gull. 14kt gull er stimplað með 585, stendur fyrir 58,5% gull. Þetta er algengast á Íslandi. 18kt gull er stimplað með 750, stendur fyrir 75% gull.