Um okkur

Halldór Ólafsson stofnaði verkstæði sitt og verslun eftir að hann leigði fyrst húsnæði af Kristjáni Halldórssyni úrsmið, sem áður hafði rekið verslun að Hafnarstræti 83. Um 1950 keypti Halldór verslunina og rak hana á sama stað allt til dánardags árið 1984.

Að honum látnum tók eiginkona hans, Oddný Laxdal, við rekstrinum. Stefán Bjarnason úrsmiður starfaði í versluninni þar til Halldór Halldórsson lauk námi í úrsmiði árið 1989, en tók Halldór þá við rekstrinum. 

Árið 2000 flutti Halldór Ólafsson ehf. starfsemi sína á Glerártorg. Árið 2002 keypti Halldór verslunina Skart af Flosa Jónssyni, gullsmið, og voru fyrirtækin sameinuð undir nafninu Halldór Ólafsson – Úr og skartgripir.

Árið 2008 var verslunin stækkuð og henni jafnframt breytt til að mæta breyttum þörfum og þróun fyrirtækisins.

                    

Árið 2016 var verslunin stækkuð enn frekar og fékk um leið nýtt og endurbætt yfirbragð. Með stækkuninni skapaðist meira rými fyrir fjölbreytt úrval úra og skartgripa og var þannig áfram byggt á þeirri þróun og uppbyggingu sem einkennt hefur starfsemi fyrirtækisins í gegnum árin.

 

Árið 2023 sameinuðust HÓ ehf. og KPG Modelsmíði. Kristín Petra Guðmundsdóttir gerðist meðeigandi og flutti gullsmíðaverkstæði sitt á Glerártorg, þar sem hún starfar áfram við gullsmíði og hönnun.

Samhliða þessum breytingum var verslunarrýmið endurskipulagt og aðlagað að starfseminni. Með sameiningunni varð til öflugri heild þar sem úrsmiður, gullsmíði og verslun fara saman undir einu þaki.